Customer Services

Maddə 1 – TƏRƏFLƏR:

Bu Abunə Müqaviləsi (“Müqavilə”) Ünvanı: Bakı, Azərbaycan olan Netbet MMC ("Netbet") ilə, Ünvanı və adı/soyadı “Abunə Məlumatları” hissəsində göstərilən şəxsin (“Abunə”) arasında aşağıdakı şərtlər əsasında tərtib olunmuşdur.

Maddə 2 – TƏRİFLƏR

Aşağıdakı terminlər bu Müqavilədə aşağıdakı mənalarda istifadə edilmişdir:

Virtual satıcı — Caspian Tech QSC ilə bağlanmış müqaviləyə əsasən fəaliyyət göstərən və virtual şəraitdə (internet, mobil telefon şəbəkəsi və s. vasitələrlə) mərc oyunlarının iştirakçıları ilə Operator arasındakı bütün əlaqələri Mərkəzi Mərc Sisteminə bağlı olaraq təmin edən hüquqi şəxs (Netbet MMC)

Abunə: Netbet-in Virtual Mühiti vasitəsiylə hər cür mərc oyunlarını oynayan və ya Netbet-in müxtəlif məhsul və ya xidmətlərindən faydalanan, bu Müqaviləni qəbul etmiş fiziki şəxs.

Abunənin Nömrəsi: Netbet tərəfindən Abunələrə verilən və Abunəlik müddətində istifadə ediləcək və Abunəyə məxsus olan və dəyişməz 8 rəqəmli nömrə.

Parol: Abunənin Abunə Nömrəsi ilə birlikdə istifadə etdiyi və Abunənin sistem tərəfindən tanınmasını təmin edən və bütün oyun vasitələri ilə Netbet-in virtual mühitinə girişdə istifadə edilən və Abunə tərəfindən dəyişdirilə bilən 6 rəqəmli kod.

Abunənin Hesabı: Abunələrin Netbet-in virtual mühitində olan, bu Müqavilə ilə nəzərdə tutulan müxtəlif məhsul və ya xidmətlərdən faydalanmaq məqsədi ilə pul köçürmək üçün zəruri olan Netbet hesabı.

Abunənin Bank Hesabı: Netbet-in virtual mühitində İBAN nömrəsi və ya Bank Hesab Nömrəsi ilə birlikdə qeydiyyatda olan, Abunələrə aid bank hesabı.

Netbet IBAN və ya Bank Hesab Nömrələri: www.etop.az internet saytında elan olunan və vaxtaşırı dəyişdirilə bilən, Netbet-in müxtəlif hesablarına aid İBAN Nömrələri və ya Bank Hesab Nömrəsi.

Elektorn mərc bileti (bundan sonra- bilet: virtual mühitdə oynanılan aidiyyəti oyuna və ya oyunlara iştirak hüququ verən və uduşlu olduğu halda, əvvəlcədən bəyan edilən meyarlar əsasında hesablanan pul mükafatını almaq hüququ verən elektron kod, Netbet Abunələrinin seçdikləri oyun növünə görə oyun əsnasında yaratdıqları kuponun və ya satın aldıqları lotereya biletinin virtual mühitdəki məzmunu.

Mərkəzi Mərc Sistemi: bütün satıcılardan daxil olan məlumatların toplanıldığı, işlənildiyi və ümumiləşdirildiyi, yüksək məlumat işləmə imkanına malik avadanlıqlardan ibarət olan Caspian Tech QSC-nin quracağı və işlədəcəyi sistem.

Oyun/Oyunlar: Hər növ mərc oyunları.

Oyun Haqqı/Haqqları: Abunələrin mərc oyunu oynaya bilmələri üçün bankların ödəmə üsulları vasitəsi ilə Netbet-ə göndərdikləri məbləğ.

Oyunun Haqqı/Haqqları: Abunələrin mərc oyunu oynaya bilmələri üçün bankların ödəmə üsulları vasitəsiylə Netbet-ə Netbet IBAN Nömrəsini bildirərək ya da razılaşmalı banklar vasitəsi ilə həyata keçirilən əməliyyatlarda bildirmədən virtual mühitdə göndərdikləri məbləğ.

Ödəmə Üsulları: İnternet bankçılığı, ATM, plastik kart, telefon bankçılığı, mobil bankçılıq və bütün alternativ bankçılıq üsulları. Oyun Vasitələri: Netbet adı altında hər cür mərc oyunlarının oynandığı GSM (mobil tətbiqlər), JAVA, SMS, WAP, ITV (İnteraktiv TV), IVR (Səsli cavab sistemləri), Müştəri Xidmətləri, Kiosk və İnternet (www.etop.az) infrastruktur platforması və oxşarları.

Sabit Ehtimallı Mərc Oyunları: Nəticələrin proqnoz edilməsinə əsaslanmaq şərti ilə oynanılan və iştirakçılar arasında doğru ehtimalı tapanlara, əvvəlcədən elan edilən əmsala uyğun olaraq hesablanacaq uduş qazandıran oyunları.

Müştərək Mərc Oyunları: Mərc oyunlarının iştirakçıları tərəfindən ödənilən ümumi məbləğin əvvəlcədən elan olunmuş hissəsinin, nəticəni düzgün tapan iştirakçılar arasında uduş kimi bölüşdürüldüyü mərc oyunları.

Lotereya: Dövlət və ya qeyri-dövlət təşkilatları tərəfindən çap edilən nömrəli biletlərin satılaraq, ədəd və məbləğləri əvvəlcədən müəyyən olunmuş uduşları qazanacaq nömrələrin püşk yolu ilə müəyyən edilməsinə əsaslanan bəxt oyunu.

Virtual Mühitdə Bilet Satış Təsdiqi: Abunələrin Netbet-in virtual mühitində seçib işarələmək şərti ilə satın aldıqları bilet qarşılığında və ya oynadıqları oyun qarşılığında tələb etdikləri təqdirdə göndərilən oyun/satın alınan bilet məlumatlarını və lazım olan digər əlaqəli məsələləri əhatə edən məlumat və ya bu məlumatı əhatə edən e-poçt və ya sms və ya oxşar yollarla göndərilən virtual sənəd.

Hesabım Menyusu: www.etop.az internet səhifəsindən daxil olunan, Abunələrin Netbet-in virtual mühitində Abunə Hesabına reallaşdırdıqları pul köçürmələrinin hesab hərəkətlərinə baxa bildiyi, bank köçürmə ehtiyaclarını reallaşdıra bildikləri, oynanılan kupon məlumatlarını izləyə bildikləri və bir sıra icazə verilən əməliyyatları icra edə bildikləri fərdi sahə. Bank(lar): Bankçılıq sisteminə daxil olan hər hansı bir bank.

Razılaşmalı Bank(lar): Bankçılıq sisteminə daxil olan və Netbet sistemlərinə virtual ünsiyyət şəbəkəsi ilə qoşulan bank/banklar.

SMS: Qısa Mesaj Xidməti.

JAVA: Bir proqramlaşdırma dili olan mobil telefonlar üçün hazırlanan versiyası ilə Netbet platformalarından oyun oynana bilməsini təmin edən tətbiq.

WAP: Kabelsiz Tətbiq Protokolu olan və mobil cihazlardan İnternet rabitəsini təmin edən texnologiya.

Müştəri Xidmətləri: Abunələrin yazılı və ya şifahi ünsiyyət qura biləcəkləri, məlumat və məsləhət ala biləcəkləri Netbet-in müvafiq şöbəsi.

MADDƏ 3- MÜQAVİLƏnin MƏQSƏD VƏ MÖVZUSU:

Bu Müqavilə Abunənin Netbet tərəfindən təqdim ediləcək xidmətlərdən faydalanmasını təmin etmək məqsədi ilə təşkil edilmişdir və mərc olunan sövdələşmə çərçivəsində tərəflərin hüquq və öhdəliklərini müəyyən edir.

MADDƏ 4- ABUNƏLİYƏ DAİR ŞƏRTLƏR:

 Mərc oyunlarında iştirak etmək istəyən şəxslər aşağıdaki tələblərə əməl etməlidirlər:
a) mərc oyunlarının qaydalarını bilmək və bu qaydaları qəbul etmək;
b) ən azı bir oyuna pul qoyaraq proqnoz vermək;
c) verdiyi proqnozlar doğru olduğu təqdirdə uduşu almaq;
ç) səhv proqnoz verdikdə, məğlubiyyətlə razılaşmaq.

4.1.1 18 yaşı tamam olmuş hər bir şəxs bu Müqavilə şərtlərini qəbul etmək şərti ilə Netbet Abunəçisi ola bilər. Hər hansı bir vasitədən Netbet-in virtual mühitinə daxil olan Abunə, Müqaviləni oxumuş və şərtlərini qəbul etmiş sayılır. Netbet abunələrdən şəxsiyyəti təsdiq edən sənəd (şəxsiyyət vəsiqəsi və digər) tələb edə bilər.
4.1.2 Abunəliyin təmin edilməsinin ilk və ən əhəmiyyətli şərti "18 yaşından yuxarı olmaq"dır. Abunə Ərizə Formasında və bu Müqavilə əsasında 18 yaşından böyük olduğunu bəyan və təsdiq edir.
4.1.3 18 yaşından böyük olduğunu təsdiq edən şəxs Abunəliyə müraciət zamanı bildirdiyi bütün məlumatların düzgün olmasına görə məsuliyyət daşıyır. Netbet, Abunə ilə əlaqədar bütün əməliyyatlarda buna inanır və buna əsasən hərəkət edir.
4.1.4 Abunəlik meyarlarına cavab verən şəxslər müstəqil hərəkət etmə ixtiyarında olduqlarını, əqli sağlamlıqlarının yerində olduğunu və hərəkətlərinə görə məsuliyyət daşıdıqlarını əvvəlcədən qəbul edirlər.
4.1.5 Abunəlik Netbet-in təşəbbüsü ilə Oyun vasitələrinin hər hansı birindən və ya Müştəri Xidmətlərindən aktivləşdirilə bilər. Belə halda Abunə olacaq şəxs bu Müqavilənin bütün şərtlərini qəbul etdiyini əvvəlcədən bəyan və təsdiq etməlidir.
4.1.6 Abunəliyə müraciətlərdə müraciətin qəbulu üçün zəruri məlumatların Abunəlik Ərizə Formasına daxil edilməsi mütləqdir. Lazımi şərtlərə cavab verən və Abunə olan şəxslər müraciət əsnasında verilməmiş, daxil edilməsi zəruri olmayan digər məlumatları Netbet-in İnternet saytında və ya Müştəri Xidmətlərinə müraciət edərək tamamlamalıdır.
4.1.7 Abunəlik meyarlarına cavab verən şəxslərin Abunəliyi Abunəlik forması doldurduqdan sonra ən qısa müddətdə aktivləşdiriləcək. Abunəliyin aktivləşdirilməsindən sonra Oyun oynanıla bilər.
4.1.8 Abunəlik, bu Müqavilədə ifadə edilən bütün Abunəlik şərtləri yerinə yetirildiyi və qorunduğu təqdirdə davam edəcək.

4.2 Abunəlik Hesabının İstifadə edilməsi:

4.2.1 Hər Abunə yalnız bir Abunə Hesabına sahib ola bilər. Abunə Hesabı yalnız bu Müqavilə ilə müəyyən olunan oyunların oynanması məqsədi ilə istifadə edilə bilər. Abunə Netbet tərəfindən təqdim edilən xidmətləri və/və ya Abunə Hesabını heç bir şəkildə ictimai intizamı pozucu, ümumi qəbul olunmuş əxlaqa zidd, başqalarını narahat edici ya da xidməti başqalarına satmaq məqsədi ilə və/və ya hər hansı bir kommersiya məqsədilə, və/və ya bu Müqavilə əsasında icazə verilən Oyunların oynanması məqsədi xaricində, başqa bir gəlir əldə etmək və/və ya ziyana düşməmək məqsədilə və/və ya bu Müqavilənin məqsədi xaricində istifadə edə bilməz.
4.2.2 Eyni şəxs tərəfindən istifadə edilən birdən çox Abunəlik aşkar edildiyi halda yaxud Abunə Hesabının məqsədinə zidd istifadə edilməsi halında, əlaqədar Abunəliklərə Netbet tərəfindən xitam verilə bilər.
4.2.3 Abunə abunə Nömrəsi və Parolunun hər hansı bir üçüncü şəxs tərəfindən istifadə edilməsi nəticəsində baş verənlərə görə özünün cavabdeh olduğunu, bu əməliyyatlar özü tərəfindən icra edilmədiyi halda Netbet-ə qarşı etiraz və iddia hüquqlarından əvvəlcədən imtina etdiyini, bu kimi qaydalara zidd istifadə edən şəxslərin kim olduqlarını araşdırmağa görə Netbet-in öhdəlik daşımadığını qəbul və təsdiq edir. Abunə Nömrəsi və Parolunun hər hansı bir üçüncü şəxs tərəfindən istifadə edildiyini bilən Abunə, bu vəziyyəti dərhal Netbet-ə bildirməlidir. Netbet Abunə Hesabının Abunə xaricində başqa şəxslər tərəfindən istifadə edildiyini aşkarladığı halda bu Abunəliyə xitam verə bilər.

4.3 Abunəyə Aid Fərdi Məlumatlar

4.3.1 Abunənin Abunəliyə müraciət zamanı təmin etdiyi eyniləşdirmə məlumatları yanlış olarsa ehtiyac olduğunda, Abunə tərəfindən İnternet saytı və ya Müştəri Xidmətləri vasitəsi ilə dəyişdirilə bilər. Müştəri Xidmətləri tərəfindən lazımi dəyişikliyin edilməsi üçün Abunənin təhlükəsizlik yoxlamasından problemsiz keçməsi və ya şəxsiyyət məlumatlarını lazım olduqda təsdiqləməsi vacibdir.
4.3.2 Abunə təqdim etdiyi və Netbet-in məlumat bazasında gizli saxlanılan Müqavilə predmeti olan fərdi məlumatların (ad, ünvan, yaş, e-poçt ünvanı, şəxsiyyət vəsiqəsinin və ya pasportun nömrəsi, GSM və əlaqə nömrəsi və s.), oynadığı kupon məlumatlarının və uduş məbləğlərinin Netbet tərəfindən statistik hesabat sistemində və ya reklam və satış (anket və/və ya marketinq) məqsədi ilə, istifadəçilərinin ümumi fikirlərinin müəyyən olunması məqsədi ilə istifadə edilməsinə razılıq verir. Netbet bu məlumatları Abunənin hüquqlarını pozmandan istifadə hüququna malikdir.
4.3.3 Netbet öz Abunələrinin Netbet-ə göndərəcəyi e-poçt, faks və məktublarda Abunələrin istifadə etdiyi Abunəyə aid Parol məlumatının, anasının qızlıq soyadının, maliyyə məlumatlarının və buna bənzər fərdi məlumatlarının gizli saxlanılması və başqaları tərəfindən istifadə edilib-edilməyəcəyinə heç bir şərtlə zəmanət vermir. Abunə bu məlumatların gizli saxlanılmasına görə özü cavabdehdir.
4.3.4 Abunə Müştəri Xidmətləri ilə yazışma və telefon danışığı qeydlərinin Netbet tərəfindən saxlandığını bildiyini və bu qeydlərin saxlanmasına razılıq verdiyini qəbul edir.

4.4 Abunə Nömrəsi və Şifrə

4.4.1 Netbet Abunəlik meyarlarına cavab verən şəxslərin Abunə Nömrəsi ilə Şifrəsini onların bildirildiyi mobil telefona və/və ya e-poçt ünvanına göndərir. Netbet səhv verilmiş məlumatlara görə məsuliyyət daşımır.
4.4.2 Netbet, sistemlərində dəyişikliklər edə və/və ya hər hansı bir səbəblə Abunəyə verəcəyi Abunə Nömrəsi və/və ya Parolu dəyişdirə bilər. Abunə, Netbet tərəfindən zəruri hesab edilən bu tip dəyişikliklərin uyğun olduğunu əvvəlcədən qəbul, bəyan və təsdiq edir. Abunəyə veriləcək yeni Abunə Nömrəsi və Parolun qorunma məsuliyyəti hər bir halda Abunəyə aiddir.
4.4.3 Netbet-ə Abunəlik müddəti ərzində, Abunə tərəfindən istifadə ediləcək Parolun qorunma məsuliyyəti və Parolun istifadəsinə dair istənilən məsuliyyət Abunəyə aid olacaqdır. Netbet, Abunə Nömrəsi və Parola sahib üçüncü şəxslər tərəfindən oynanan Oyunları etibarlı sayacaq. Lakin bu halda, uduşlar oyunun oynanmış olduğu Abunəlik Hesabına köçürüləcək və/və ya Biletlər oynanmış olduğu Abunəlik Hesabı sahibinə şəxsiyyət nömrəsini daxil edən şəxsiyyət vəsiqəsi və ya pasportun əslinin təqdim olunması halında imza müqabilində veriləcəkdir. Netbet yuxarıda qeyd olunan bu tədbirlərə əlavə olaraq istənilən vaxt Abunə Nömrəsi və Parolun üçüncü şəxslər tərəfindən istifadə edildiyinə şübhəsi yaranarsa və ya istifadə edildiyini aşkarlayarsa, həmin Abunəlikləri ləğv etmə hüququna malikdir.

4.5 Abunəliyin bitməsi

4.5.1 Netbet, hər hansı bir səbəblə Abunənin 18 yaşından kiçik olduğunu aşkarlayarsa və ya 18 yaşından kiçiklərin istifadə etdiyindən şübhələnərsə və ya istifadə etdiyini aşkarlayarsa, həmin Abunəlik Hesablarını bağlamaq hüququna malikdir.
4.5.2 Abunə istədiyi vaxt Netbet Abunəliyindən öz tələbi ilə çıxma hüququna malikdir. Abunə www.etop.az-dan Abunə girişi tamamlandıqdan sonra müvafiq səhifədən Abunəliyə xitam verə bilər və ya Abunəliyin bitməsi ilə əlaqəli yazılı tələbini Netbet-ə çatdırmaq şərti ilə Abunəlik hesabının bağlanmasını tələb edə bilər. Abunə Abunəliyini təkrar aktivləşdirmək üçün Müştəri Xidmətlərinə müraciət etməlidir.

4.5.3 Netbet zəruri hesab etdikdə Abunəliyi heç bir səbəb göstərmədən ləğv edə bilər. Abunə Abunəliyinin ləğvi ilə əlaqədar heç bir zərər-ziyan və/və ya hansı ad altında olursa olsun heç bir kompensasiya tələb etməyəcəyini əvvəlcədən qəbul edir. Ləğv edilən Abunəlik məlumatları Netbet-in müəyyən edəcəyi müddət ərzində Netbet-in məlumat bazasında saxlanılır. Abunəliklərin ləğvi halında Abunəlik Hesablarında ləğv edilmə tarixinə olan məbləğlər Abunəliklərin ləğv edilmə səbəblərinə uyğun olaraq Abunənin Bank Hesabına köçürüləcək və ya qanuni əməliyyatlar nəticələnənə qədər Netbet-in depozitində saxlanacaqdır. Bu Müqavilədə nəzərdə tutulan hallarda, Netbet, Abunəlik Hesabındakı məbləğlərin Abunənin Bank Hesabına köçürülməsi yerinə, əvvəlcədən Abunəlik Hesabına pul qoyan şəxsin öz hesabına da köçürə bilər. Bütün bu tədbirlər səbəbi ilə Abunə hər hansı bir zərər çəkdiyinə dair yaxud digər iddialarla Netbet-dən heç bir kompensasiya tələb edə bilməz. Abunə bu əməliyyatlara əvvəlcədən razılıq verdiyini qəbul, bəyan və təsdiq edir.
4.5.4 Abunə cinayətə səbəb olan, qeyri-qanuni sayılan, ölkə daxilində ya da beynəlxalq səviyyədə qanunlara zidd bir vəziyyət yaradan ya da səbəb olan, təhdidedici, narahatlıq yaradan, təhqir, şərəf və layəqəti alçaldan, kobud, pornoqrafik ya da əxlaqa zidd hər hansı bir məlumatı Netbet-ə heç bir yolla göndərə bilməz. Bundan əlavə virus və ya digər zərərli amil daşıyan məlumatı, proqramı ya da vəsaiti məktubla göndərə bilməz ya da çatdıra bilməz. Bu cür hallardan ən az birini reallaşdıran Abunələrin üzvlüyünə Netbet tərəfindən xitam verilə bilər.
4.5.5 Abunə Türkiyə Respublikası ərazisindən Netbet-in virtual mühitinə daxil olaraq oyun oynaya bilməz. Əgər bu hal Netbet tərəfindən aşkar olunarsa həmin Abunənin abunəliyinə xitam veriləcək. Bu halda Abunəlik Hesabında bağlanma tarixinə olan məbləğlər Abunənin Bank Hesabına köçürülməyəcək. Abunə, Türkiyə Respublikasının ərazisində olmadığını, Netbet-in virtual mühitinə Türkiyə Respublikasının ərazisinin xaricindən daxil olduğunu, Türkiyə Respublikası mənşəli bank və ya kredit kartları yaxud da bunlarla əlaqədar hesablar vasitəsilə mərc qoyuluşu etmədiyini qəbul və bəyan edir. Abunə, Türkiyə Respublikası ərazisində yerləşən şəxslərin mərc qoyuluşu etməsinin və bu şəxslər üçün Netbet-in virtual mühitinə çıxışların təmin edilməsinin qadağan olunması barədə məlumatlandırıldığını qəbul və bəyan edir.
4.5.6 Abunə Hesablarının bağlanılması halında Abunə Netbet-dən heç bir kompensasiya tələb etməyəcəyini əvvəlcədən qəbul, bəyan və təsdiq edir. Abunə Hesablarının bağlanılması halında Netbet tərəfindən aşağıdakı tədbirlər görülə bilər:
4.5.6.1 Qanunlara zidd əməliyyatlar səbəbiylə Abunəliyə xitam verilməsi halında Abunəlik Hesablarında bağlanma tarixinə olan məbləğlər Abunənin Bank Hesabına köçürülməyəcək. Netbet qanuni yollarla, özünə bildirilən şəkildə Abunə Hesablarındakı məbləğləri istifadə edəcək və ya qaytaracaqdır. Qanuni yollarla hər hansı bir bildiriş verilməməsi halında qanuni müddət ərzində əlaqədar məbləğlər Netbet-in depozitində saxlanılacaqdır. Bu tədbirlər səbəbi ilə Abunə hər hansı bir zərər çəkdiyinə dair yaxud digər iddialarla Netbet-dən heç bir kompensasiya tələb edə bilməz. Abunə bu əməliyyatlara əvvəlcədən razılıq verdiyini qəbul, bəyan və təsdiq edir.
4.5.6.2 Vəfat səbəbi ilə Abunəliklərə xitam verildiyi təqdirdə Abunə Hesablarında bağlama tarixinə olan məbləğlər Abunənin Bank Hesabına köçürülə bilər və ya varislik haqqında müvafiq sənədlərin təqdim edilməsinə qədər Netbet-in depozitində saxlanıla bilər. Bu tədbirlər səbəbi ilə varislər və ya digər hüquq sahibləri hər hansı bir zərər çəkdiyinə dair yaxud digər iddialarla Netbet-dən heç kompensasiya tələb edə bilməz. Abunə bu əməliyyatlara əvvəlcədən razılıq verdiyini qəbul, bəyan və təsdiq edir.
4.5.6.3 Bu Müqavilədə xüsusilə müəyyən bir tədbir nəzərdə tutulmayan hallarda Abunə Hesabı bağlanarsa, Abunə Hesabında bağlanma tarixinə olan məbləğlər Abunənin Bank Hesabına köçürüləcək. Netbet Abunə Hesabındakı məbləğlərin Abunənin Bank Hesabına köçürülməsi əvəzinə, əvvəlcədən Abunə Hesabına pul qoyan şəxsin öz hesabına köçürə bilər. Bu tədbirlər səbəbi ilə Abunə hər hansı bir zərər çəkdiyinə dair yaxud digər iddialarla Netbet-dən heç bir kompensasiya tələb edə bilməz. Abunə, bu əməliyyatlara əvvəlcədən razılıq verdiyini qəbul, bəyan və təsdiq edir.
4.5.6.4 Abunə, mərc oyunları operatoru Caspian Tech QSC-nin tələblərinə şərtsiz riayət etməlidir. Abunə, Caspian Tech QSC-nin mərc oyunları ilə əlaqədar etdiyi dəyişikliklərə dair heç bir haqq tələb etməyəcəyini qəbul və bəyan edir.

MADDƏ 5- PUL KÖÇÜRMƏLƏRİ ve OYUNLARLA ƏLAQƏDAR ŞƏRTLƏR:

5.1 Abunə Hesabına Pul Köçürülməsinə dair Ümumi Şərtlər:
5.1.1 Abunələrin Oyun Vasitələrində Oyun oynamağa başlaması üçün Razılaşmalı Bankların alternativ ödəmə üsulları vasitəsi ilə və ya EFT (elektron pul köçürmələri) yolu ilə Netbet-in virtual mühitindəki Abunə Hesabına pul köçürülməlidir.
5.1.2 Valyuta kurslarına əsasən icra edilən pul köçürmələri Mərkəzi Bankın Alış Kursu ilə hesablanaraq Abunə Hesablarına köçürüləcəkdir.
5.1.3 EFT yolu ilə Abunə Hesabına pul köçürmək üçün Bankların təyin etdiyi minimum köçürmə məbləği müəyyən edilir və Bankların çəkdiyi EFT xərc məbləğləri Abunədən tutulur.
5.1.4 Abunə tərəfindən Abunə Hesabına qoyulub Oyun Haqqı olaraq istifadə edilməyən məbləğlər, bu Müqavilə ilə təşkil edilən istisna hallar, ciddi səbəblər və qanunla tətbiq edilən tədbirlər xaricində Netbet-in depozitində saxlanılır.
5.1.5 Abunələr Abunə Hesablarına köçürdükləri məbləğlərə və Abunə Nömrəsini daxil edərək Abunə Hesabına pul köçürməyə görə şərtsiz cavabdehlik daşıyırlar. Abunə tərəfindən verilən ödəmə təlimatlarının tam və lazımi qaydada icra edilməmiş olması səbəbi ilə yaranan zərər, ziyan və bütün məsuliyyət Abunəyə aiddir. Abunə tərəfindən edilən səhv əməliyyatlara görə Netbet heç bir məsuliyyət daşımır.
5.1.5.1 Netbet məsuliyyət daşımamasına baxmayaraq, öz qərarı ilə səhv köçürmələri səhvən ödənilən Abunə Hesabından götürərək digər Abunənin Abunə Hesabına və ya ödəniş Abunə olmayan bir şəxs tərəfindən edilmişdirsə, əlaqədar şəxsin bank hesabına köçürə bilər. Hesabına səhvən ödəniş edilən Abunə, ödənişi edən şəxs ilə ödəniş edilən Abunə Nömrəsinin bir-birinə uyğun olmaması halında edilən bu qaytarma əməliyyatına şərtsiz razılıq verir.
5.1.5.2 Netbet səhv Abunə Nömrəsinə edilən ödəmələri qaytarmağa məcbur deyil, lakin öz qərarı ilə zəruri hesab etdikdə və mümkün olduqda Netbet səhvən ödəniş edilən Abunə Hesabından sözü gedən məbləği götürərək digər Abunənin Abunə Hesabına və ya ödəniş Abunə olmayan bir şəxs tərəfindən edilmişsə həmin şəxsin bank hesabına köçürə bilər.
5.1.6 Abunələrin Razılaşmalı Bankların alternativ ödəmə üsullarından köçürdüyü ödənişlərin və ya EFT köçürmələrinin Banklardan və/və ya sistemlə əlaqəli səbəblərdən Abunə Hesablarına gec keçməsinə və ya keçməməsinə görə Netbet məsuliyyət daşımır. Lakin Netbet Abunənin müraciətini nəzərə alaraq araşdırma apara bilər.
5.1.7 İş görülən Razılaşmalı Bank məlumatları və Bank əlaqələri Netbet tərəfindən uyğun hesab edildiyi şəkildə dəyişdirilə bilər. Abunə, iş görülən Bank məlumatlarının və Bank əlaqələrinin Netbet tərəfindən dəyişdirilməsi halında heç bir zərər-ziyan və/və ya hansı ad altında kompensasiya tələb etməyəcəyini əvvəlcədən qəbul edir.
5.2 Oyun Ərzində Tətbiq edilən Ümumi Şərtlər
5.2.1 Netbet, bu Müqavilədə müəyyən olunmuş Oyun Vasitələrini istənilən vaxt dəyişdirə bilər, ləğv edə bilər və ya bu Oyun Vasitələrinə yenilərini əlavə edə bilər.
5.2.2 Abunələrin oynadığı Oyunlar üçün Azərbaycan Respublikası Nazirlər Kabinetinin, AR Gənclər və İdman Nazirliyi “Azəridmanservis” MMC-nin və/və ya digər səlahiyyətli dövlət və qeyri-dövlət təşkilatlarının müəyyən etmiş olduğu oyun qaydaları etibarlıdır. Sözü gedən təşkilatlar tərəfindən bu oyun qaydaları istənilən vaxt dəyişdirilə bilər. Bu dəyişikliklər səbəbi ilə, Abunənin Netbet-dən heç bir kompensasiya tələb etmək hüququ yoxdur. Oyun qaydaları və mövzu dəyişiklikləri kimi təfərrüatlar sözü gedən təşkilatların internet saytlarından əldə edilə bilər.
5.2.3 Netbet oynanılan Oyunlar üçün limit müəyyən edə bilər. Abunələr Oyun Vasitələrində oynadıqları oyunlarda Netbet tərəfindən limit müəyyən olunması halında, müəyyən olunmuş bu limitləri əvvəlcədən qəbul etmiş sayılırlar. Netbet limitləri dəyişdirmək hüququna malikdir. Abunələr limitin artırılmasını tələb edə bilərlər. Lakin Abunələr tərəfindən tələb edilən və Netbet tərəfindən müvafiq hesab edilən yeni Abunə limitləri də Netbet-in səlahiyyətindədir və Netbet bu limitlər üzərində dəyişiklik etmək hüququna malikdir. Abunələr limitin artırılması üçün Netbet tərəfindən müəyyən olunmuş sənədi Netbet-ə çatdırmalıdır. Abunələr limit daxilində də olsa, oynadıqları mərc oyunlarında məruz qaldıqları maddi itkilərə görə şəxsən məsuliyyət daşıyırlar və bu səbəblə Abunələr Netbet-ə qarşı hər hansı bir iddia irəli sürə bilməzlər. Netbet limit müəyyən edib-etməməyə görə yaranan məsələlərdə hər hansı bir məsuliyyət daşımır.
5.2.4 Oynanan Oyunlarda, Abunə tərəfindən Oyunla əlaqəli daxil edilən məlumatlar Netbet tərəfindən düzgün hesab edilərək istifadə olunacaqdır. Bu səbəblə Oyunla əlaqədar seçimlərin müəyyən olunmasına görə ancaq Abunə məsuliyyət daşıyacaqdır.
5.2.5 Abunənin Oyunda iştirak etdiyini göstərən tək və etibarlı sənəd Abunənin “Hesabım Menyusunda” gördüyü etibarlı (imtina etmədiyi) kupondur. Sabit Ehtimallı Mərc və Müştərək Mərc Oyunları üçün Abunənin işarələdiyi, lakin Mərkəzi Mərc Sistemində yaradılmayan heç bir kupon etibarlı kupon sayıla bilməz. Lotereya üçün isə Abunənin satın aldığı və “Hesabım Menyusunda” gördüyü Bilet məlumatı etibarlıdır.
5.2.6 Netbet-in virtual mühitinə abunə olmaq pulsuzdur. Oyun Vasitələrinə qoşulma haqqı (İnternet, televiziya, mobil telefon [abunəlik, wap/İnternet rabitəsi, SMS qiyməti və s.] və s. abunəlik və/və ya əlavə istifadə ödənişləri) isə Abunəyə aiddir. SMS vasitəsiylə ediləcək əməliyyatlar ödənişlidir, əməliyyat tipinə görə müxtəlif qiymətlər tətbiq edilə bilər. Netbet SMS vasitəsiylə göstərilən bütün xidmətlər üçün qiymətləri dəyişdirmək hüququna malikdir. Abunə qiymət dəyişikliyi səbəbi ilə Netbet-dən hər hansı bir zərər və ziyan kompensasiyasını tələb etməyəcəyini əvvəlcədən qəbul, bəyan və təsdiq edir. SMS-in qiyməti müvafiq mobil operatorun müəyyən etdiyi qiymətlər olacaq. Operatorların tariflərindəki dəyişikliklərə görə Netbet məsuliyyət daşımır. Netbet Müştəri Xidmətləri vasitəsilə ediləcək əməliyyatlarda hər bir araşdırma üçün xidmət ödənişi alıb-almamaqda müstəqildir. Netbet alınan xidmət haqqını dəyişdirmək hüququna malikdir. Bu ödənişin dəyişməsi halında Netbet bu məlumatları Abunələrə bildirəcəkdir.
5.3 Oyunun Ləğvi Prosedurları
5.3.1 Oyunu ləğv etmə hüquqları pis niyyətlə mərc əmsallarını dəyişdirmək yaxud spekulyasiya etmək məqsədi ilə istifadə edilə bilməz. Belə bir vəziyyət aşkar edilərsə (və ya şübhəli hal yaranarsa), Netbet oynanılan oyunları və/və ya əlaqədar Abunəliyi dayandıra yaxud xitam edə bilər.
5.3.2 Mərc Oyunları: Abunə tərəfindən yaradılan elektronik mərc bileti heç bir şəkildə ləğv edilə bilməz və dəyişdirilə bilməz.
5.3.3 Lotereya Oyunları: Abunə tərəfindən satın alınan lotereya bileti heç bir şəkildə ləğv edilə bilməz və dəyişdirilə bilməz.

MADDƏ 6 - ƏLAVƏ XİDMƏTLƏR:

6.1 Bu Müqavilənin qəbulu ilə, interaktiv sahələrin (forum sahələrinin) istifadə şərtləri də qəbul edilmiş sayılır.
6.2 Netbet tərəfindən verilən nümunə kupon, yazı və s. kimi təqdim edilən əlavə xidmətlər yalnız şərh üçün nəzərdə tutulmuşdur və tövsiyə xarakteri daşıyır. Netbet bu yazı, kupon və digər əlavə xidmətlərə görə hər hansı bir məsuliyyət daşımır.
6.3 Kampaniya ve Reklamlar
6.3.1 Abunə, kampaniya və reklamlardan Netbet tərəfindən müəyyən olunan istifadə şərtləri çərçivəsində faydalana biləcəyini əvvəlcədən bəyan, qəbul və təsdiq edir.
6.3.2 Netbet kampaniya və reklamların tətbiq və istifadəsinə dair ümumi şərtlərə istənilən vaxt dəyişiklik etmək hüququna malikdir.
6.3.3 Kampaniya və ya reklamlardan əldə ediləcək netxallar yalnız Oyun Vasitələrində mərc oyunu oynamaq və ya Netbet tərəfindən nəzərdə tutulan digər xidmətlərdən faydalanmaq üçün istifadə edilə bilər.
6.3.4 Netbet, kampaniya və reklamlarında və ya digər fəaliyyətlərində Abunələrinin Oyun oynama və davranış araşdırmalarını nəzərə alaraq Abunələrinə müxtəlif təkliflər vermək, tətbiq etdiyi proqramlarda bu araşdırmaları müəyyən etdiyi vaxtlarda reallaşdırmaq və/və ya onlara dəyişiklik etmək hüququna malikdir. Bütün bu tətbiqlər Netbet-in müəyyən edəcəyi müddətlərdə etibarlıdır.
6.4 Lotereya Netbet Azərbaycan Respublikası daxilində lotereyanı keçirən təşkilatın və “Caspian Tech” QSC-nin icazəsi ilə təşkil edəcəyi lotereya biletlərini satmaq hüququna malikdir. Abunə tərəfindən satın alınan lotereya biletləri heç bir şəkildə ləğv edilə bilməz və dəyişdirilə bilməz. Abunələr Oyun Vasitələrində satın aldıqları lotereya biletlərinə dair məlumatın e-poçt ünvanlarına göndərilməsini tələb edə bilərlər. Püşk əsnasında ya da sonrasında, püşkə aid etirazların olması halında Netbet heç bir dolayı və ya birbaşa zərər və ziyan tələblərinə görə məsuliyyət daşımır. Bu cür hallarda məsuliyyət püşkü təşkil edən təşkilatın üzərinə düşəcəkdir.

MADDƏ 7- UDUŞLAR və ÖDƏMƏLƏR:

7.1 Sabit Ehtimallı və Müştərək Mərc Oyunları üçün Bilet məlumatları Oyunla əlaqəli qeydlərin aparıldığı Mərkəzi Mərc Sistemindəki məlumatlarla mütləq eyni olmalıdır. Bilet məlumatları ilə əlaqədar Mərkəzi Mərc Sistemindəki məlumatlar uyğun olmadıqda, Mərkəzi Mərc Sistemindəki məlumatların düzgün olduğu qəbul ediləcəkdir. Lotereya oyunu üçün isə Bilet məlumatları lotereyanı keçirən təşkilat tərəfindən çap edilən və Netbet tərəfindən təmin edilən nömrəli biletlərdəki məlumatlarla eyni olmalıdır.
7.2 Ödəmələr
7.2.1 Sabit Ehtimallı Mərc və Müştərək Mərc Oyunları üçün Abunələrin udduqları uduş məbləğləri Mərkəzi Mərc Sistemi tərəfindən qiymətləndirilərək Abunəlik Hesablarına köçürülür.
7.2.2 Uduş ödəmələri qanunvericiliklə nəzərdə tutulan vergi və digər tutulmalardan sonra Abunə Hesabına köçürülür. Vergi ilə əlaqəli və vergi faizlərində yaranan dəyişikliklər oyunlar və uduşlarda öz əksini tapacaqdır və Abunə bu səbəblə Netbet-dən heç bir zərər və ya ziyan kompensasiyası tələb edə bilməz.
7.2.3 Lotereya oyunlarında qazanılan uduş məbləğlərinin ödəmələri qaydalarla müəyyən olunmuş limitlər çərçivəsində Netbet tərəfindən Netbet Hesablarına avtomatik olaraq köçürülür. Limiti keçən uduş məbləğləri üçün Abunə biletini Netbet-dən şəxsiyyət vəsiqəsi və ya pasportun əslini təqdim etmək şərti ilə təhvil alandan sonra lotereyanı keçirən təşkilata müraciət edərək uduş məbləğini alacaqdır. Abunələr yuxarıda qeyd olunan limiti aşan Lotereya biletləri üçün, bir illik zaman müddətində Netbet-ə müraciət etmədikləri təqdirdə, uduşların vaxtı bitəcək və bu biletlərə uduş ödənişi edilməyəcəkdir. Lotereya biletləri püşkün edildiyi tarixdən etibarən məhv edilir. Abunələrin, uduş qazanmış və Netbet tərəfindən Abunə hesablarına uduşu köçürülmüş biletlər ilə uduş qazanmayan və məhv edilən biletləri tələb etmək hüququ yoxdur.
7.3 Abunələr uduş məbləğlərinin Abunə Bank Hesablarına köçürülməsini tələb edə bilərlər.
7.4 Uduşun alınması üçün Abunələrin Banklardan hər hansı birində öz (Abunə) adına hesabı olmalıdır. Abunənin uduşunu almaq üçün bəyan etdiyi bank hesab nömrəsinin (və IBAN məlumatlarının) qeydiyyatda olduğu ad Abunə Məlumatları qisimində bəyan edilən ad ilə tam olaraq eyni olmalıdır. Abunənin Netbet Hesabındakı məbləğlər abunənin təşəbbüsündə olsa da, 3-cü şəxslərin bank hesablarına köçürülə bilməz. Bank hesab məlumatları və IBAN nömrəsi Netbet-ə bildirilməmiş olan Abunə Bank Hesablarına Abunənin Netbet Hesabındakı məbləğlər köçürülməyəcəkdir. Düzgün şəkildə bəyan edilmiş Abunə Bank Hesabına köçürüləcək ödəmələr və tam məbləğlərin köçürülməsi, bu əməliyyatların vaxtında və tam icrasına görə Netbet hər hansı bir məsuliyyət daşımır, Abunələr bu əməliyyatlar ilə əlaqədar olaraq pul köçürmələrinin reallaşdırıldığı Banka müraciət etməlidirlər. Abunələrə ödəniş verilirərkən onlardan kart və şəxsiyyət məlumatları tələb edilə bilər.
7.5 Abunə Hesablarından Abunə Bank Hesablarına köçürmə əmri ilə köçürülən məbləğ minimum 20 manat olmalıdır. Bu məbləğ Netbet tərəfindən dəyişdirilə bilər.
7.6 Netbet xarici bank hesablarına ödəmələr etməyə görə məsuliyyət daşımır, xaricə pul köçürməsi edildiyi halda, bütün müvafiq komissiya məbləğləri Abunəlik hesabından çıxıldıqdan sonra pul köçürməsi reallaşdırıla bilər.
7.7 Netbet uduşlu elektron mərc biletlərinin uduşlarını avtomatik olaraq abunələrin virtual hesablarına köçürür.
7.8 Virtual mühitdə qazanılan uduşlar elektron mərc biletlərinə əsasən Netbet tərəfindən ödənilir və uduşlar abunələrin Netbet-in nəzdində açılan virtual hesablarına avtomatik olaraq hər hansı tələbin irəli sürülməsini gözləmədən köçürülür.
7.9 Abunəçi tərəfindən uduş qazanıldığında bu uduş məbləği əlavə bir əməliyyatın həyata keçirilməsinə ehtiyac olmadan ən gec 24 (iyirmi dörd) saat ərzində Netbet tərəfindən abunəçinin virtual hesabına əlavə edilir. Abunəçinin hesabında olan və abunəçi tərəfindən tələb edilən məbləğ, Netbet tərəfindən abunəçinin bank hesabına ən gec 2 (iki) bank günü ərzində köçürülür.

MADDƏ 8 - MƏSULİYYƏT:

8.1 Oyun Vasitələrində baş verə biləcək hər cür rabitə kəsilməsi, fasilələr, sistem qəzaları, texniki səbəblərlə meydana gələn məlumatlandırma mesajlarının və s. getməməsi, gecikməsi halları daxil olmaqla, lakin bunlarla məhdudlaşmayaraq, səhv, gecikməli məlumat ötürülməsi yaxud rabitə fasilələrinə görə yaranan zərərlərə görə Netbet heç bir məsuliyyət daşımır.
8.2 Oyunlarla əlaqədar məlumatlandırma təşəbbüsü Netbet-in hüququdur. Oyunlar haqqında lazımi məlumatlandırmanın edilməməsini əsas göstərərək Netbet-dən hər hansı bir zərər və ziyan kompensasiyası tələb edilə bilməz.
8.3 Abunə bu Müqavilənin əhatə etdiyi xidmətlərlə əlaqədar Netbet-ə yazılı, şifahi, İnternet və/və ya digər elektron cihazlar vasitəsi ilə çatdırdığı məlumatların düzgün, tam və aktual olduğunu bəyan edir, bu bəyanın səhv olması və/və ya məlumatların səhv verilmiş olması səbəbi ilə yarana biləcək bütün zərərlərə görə Abunə məsuliyyət daşıyır.
8.4 Abunənin bildirdiyi məlumatlar istiqamətində, məlumatların səhv olması (Abunə tərəfindən bəyan edilən əlaqə nömrələrinin [GSM nömrəsi daxil] və e-poçt ünvanının düzgün olmaması və/və ya aktiv olmaması halları) yaxud texniki səbəblər (SMS göndərilən Abunənin xəttinin açıq olmaması, Abunənin telefon parametrlərinin SMS qəbululuna imkan verməməsi, hava və quruda ötürücü şəbəkədə meydana gələn problemlər və s.) səbəbi ilə məlumatlandırma mesajlarının və s.-in getməməsinə və gecikməsinə görə yaranan dolayı və/və ya birbaşa zərərlərə görə Netbet məsuliyyət daşımır.
8.5 Bu Müqaviləyə uyğun olaraq Abunəyə təqdim edilən xidmətlərin dairəsi Netbet tərəfindən istənilən vaxt və bir tərəfli olaraq genişləndirilə yaxud azaldıla bilər və ya xidmətlər dayandırıla bilər. Netbet bu Müqavilədə qeyd edilən maddələrə dəyişiklik etmək hüququna malikdir. Bu səbəblə Abunə bu Müqavilə ilə özünə təqdim edilən xidmət dairəsinin bir öhdəlik olmadığını və dəyişə biləcəyini əvvəlcədən qəbul və təsdiq edir.
8.6 Abunə, Netbet tərəfindən təqdim edilən xidmətlərin istifadəsi zamanı üçüncü şəxslərə və Netbet-ə zərər vurması halında, həmin zərərə görə şəxsən cavabdeh olduğunu qəbul, bəyan və təsdiq edir. Bu halda, əlaqədar Abunəlik Netbet tərəfindən ləğv edilə bilər.
8.7 Netbet İnternet saytında olan bütün yazılı, şəkilli, səsli, qrafik əhatə edən və/və ya əhatə etməyən bütün materialların hər cür istifadə hüququna malikdir. Abunə, Netbet tərəfindən özünə təqdim edilən xidmət və məhsulların, onların istifadəsi ilə əlaqədar hər cür video və audio materialların Netbet-in şəxsi mülkiyyətində olduğunu və bunları heç bir şəkildə Netbet-in yazılı icazəsi olmadan istifadə etməyəcəyini, bu materialları köçürərək fərdi və ümumi istifadəyə açıq İnternet səhifələrində istifadə etməyəcəyini, nəşr etməyəcəyini və/və ya bunları satışa çıxarmayacağını qəbul, bəyan və təsdiq edir. Abunə, Netbet tərəfindən xidmətin istifadəsi üçün işlətdiyi proqramların müəllif hüquqlarının Netbet-ə aid olduğunu, bu proqramları heç bir şəkildə çoxaldıb paylamayacağını və xidmətdən faydalanma məqsədi ilə məhdud olaraq istifadə edəcəyini təsdiq edir. Netbet-in razılığı olmadan Abunələrin bu materialları götürməsi və istifadə etməsi halında Netbet heç bir məsuliyyət qəbul etməyəcəyini əvvəlcədən bəyan edir. Bu halda, Netbet özünə vurulmuş zərər və ziyanlar əvəzində kompensasiya tələb edə bilər.
8.8 Netbet, məlumat bazasına və ya İnternet saytına ediləcək hər hansı bir hücum nəticəsində, Abunəlik məlumatlarının pis niyyətli istifadəçilərin əlinə keçməsi və bu məlumatların istifadə edilməsi halında yaranan nəticələrə görə məsuliyyət daşımır.
8.9 Üçüncü şəxslərlə əlaqədar olaraq yaranan mübahisələr və üçüncü şəxslərin kompensasiya tələblərinə görə Netbet-in cavabdeh olmayacağını Abunə əvvəlcədən qəbul və təsdiq edir.
8.10 Abunələrin 3-cü şəxslər vasitəsi ilə Netbet Hesablarına göndərdikləri pullar ilə əlaqədar dəyən zərərlərə görə Netbet məsuliyyət daşımır.
8.11 Abunənin vətəndaşı olduğu və ya mərc oyunu oynadığı ölkənin qanunvericiliyi ilə mərc oyunu qadağandırsa, buna görə Abunə özü məsuliyyət daşıyır. Bu səbəbdən Abunənin qazandığı məbləğin Abunənin hesabına köçürülməsi mümkün olmadıqda buna görə Netbet məsuliyyət daşımayacaqdır.
8.12 Bu Müqavilədə irəli sürülən və Netbet-in məsuliyyətini istisna edən müddəalar Netbet-in ciddi səhvi və ya hiyləsinin olmadığı hallarda etibarlı olacaq.
8.13 Müqavilə əsasında Abunələrin məsuliyyətində olan məsələlərlə əlaqəli Netbet-in məruz qaldığı hər cür zərər Abunələrdən tam şəkildə tutulacaq və ya tələb ediləcəkdir.

MADDƏ 9-ÜMUMİ MÜDDƏALAR:

9.1 Bu Abunəlik əlaqəsi virtual bir mühitdə meydana gəldiyi üçün Abunəlik müraciəti və müraciətin də Netbet tərəfindən qəbulu ilə Müqavilə bağlanılmışdır. Qarşılıqlı hüquq və öhdəliklər müraciətin qəbulu ilə qüvvəyə minir. Müqavilə tarixi Müqavilənin bağlandığı gündən hesablanılır.
9.2 Abunə bu Müqavilədən irəli gələn hüquq və öhdəliklərini heç bir şəkildə üçüncü şəxslərə ötürə yaxud həvalə edə bilməz.
9.3 Abunə Netbet-in qeydlərinin etibarlılığını əvvəlcədən qəbul etdiyini, Netbet ilə arasında yaranacaq istənilən mübahisədə Netbet-in hər cür qeyd, sənəd və dəftərlərinin, o cümlədən hər cür kompüter və səs qeydlərinin, mikrofilm və mikrofişalarının tək və qəti sübut təşkil edəcəyini qəbul edir.
9.4 Tərəflər Müqavilənin tətbiq və istifadəsi nəticəsində yaranacaq mübahisələrin həllində Azərbaycan Respublikasının normativ hüquqi aktlarının tətbiq olunacağını və məhkəmə mübahisələrinə Binəqədi rayon məhkəməsi tərəfindən baxılacağını qəbul və bəyan etmişlər.
9.5 Tərəflər, əksi yazılı olaraq bildirilməyənədək, yuxarıda yazılan və müraciətlərində ifadə edilən ünvanlarının müraciət ünvanları olduğunu bəyan edir, bu ünvanlara göndəriləcək yazılı bildirişlərin etibarlı sayılacağını qəbul və bəyan edirlər.
9.6 Azərbaycan Respublikasının Nazirlər Kabinetinin 20 avqust 2010 –cu il tarixli 153 nömrəli qərarı və mərc oyunları ilə bağlı digər qanunvericilik aktları bu Müqavilənin ayrılmaz tərkib hissəsidir. Abunə, bu Müqaviləni qəbul etməklə, mərc oyunları ilə bağlı bütün qanun, fərman, Nazirlər Kabineti qərarları və digər qanunvericilik aktlarında göstərilən qaydaları qəbul edir və mərc qoyuluşlarını yuxarıda sadalanan qanunvericilik aktlarına riayət edərək həyata keçirmək məcburiyyətində olduğunu bilir, bununla razılaşır və şərtsiz qəbul edir. Bu Müqavilə 9 (doqquz) maddədən ibarətdir. Abunə olmaq istəyən şəxslər bu Müqavilənin bəndlərinin hamısını oxuduğunu, məzmunundakı bütün maddələri şərtsiz qəbul etdiyini və razılaşdığıını əvvəlcədən təsdiq edir. Əlaqə Məlumatları Netbet MMC Bakı, Azərbaycan.

Tələb və Şikayətləriniz üçün Əlaqə Məlumatları Müştəri Xidmətləri:

Telefon: +994 12 599 66 66
E-Poçt Ünvanı: support@etop.az
İnternet Ünvanı: www.etop.az